Жол үстіндегі қауіп туралы қорқынышты кадрлар әлеуметтік желілерде белсенді түрде таралуда. Куәгерлердің айтуынша, ең қауіпті учаскелердің бірі салынып жатқан «Театр» станциясының маңында орналасқан, онда мұз қатқан көп тонналық бетон тіреуіштердің астынан күн сайын тоқтаусыз жүздеген автокөлік өтеді.
Астаналықтар қыс мезгілінде бұл нысандарға қызмет көрсетуге кім тікелей жауапты екеніне қатысты орынды сұрақ қойып, елорда әкімдігі мен iKomek 109 қызметін қайғылы жағдайлар мен оқыс оқиғаларды күтпей, алдын алу шараларын қабылдауға шақыруда.
SHYNDYK.KZ редакциясы LRT тіреуіштерін мұздан уақтылы тазарту міндеті нақты қай ведомстволарға жүктелгенін және елорда жолдарының үстіндегі қауіпті учаскелер қашан қауіпсіз жағдайға келтірілетінін анықтау үшін Астана әкімдігіне ресми сауалнама жолдады.
