Ақтау полициясы әлеуметтік желіде тараған ер адам мен бойжеткен арасындағы жанжал видеосына қатысты тергеу бастады деп хабарлайды SHYNDYK.KZ. Кадрдан еркектің қыздың соңынан қалмай, оны күштеп ұстап, қорқытып жатқанын көруге болады. Бұл жайтқа куәгерлер араша түсіп, жүргізушілердің бірі қызды көлігіне отырғызып, құтқарып қалған.
Полиция департаменті оқиғаға қатысушылардың барлығы анықталып, Ақтау қалалық полиция басқармасына жеткізілгенін мәлімдеді.
Аталған дерек бойынша қылмыстық іс қозғалды. Құқық қорғау органдары оқиғаның барлық мән-жайын анықтап жатыр, қазір тергеу амалдары жүргізілуде.
