Астанада тікелей эфир кезінде балағат сөздер қолданған тағы екі TikTok қолданушысы жауапқа тартылды.
Полицияның мәліметінше, құқық бұзушылықтар интернет-кеңістікке мониторинг жүргізу барысында анықталған. Ведомствоның ақпаратына сүйенсек, трансляция кезінде қолданушылар қоғамдық тәртіп пен жалпыға ортақ мінез-құлық нормаларын бұза отырып, былапыт сөздер айтқан.
Тәртіп бұзғандардың бірі — 39 жастағы Алексей Дрожжин болса, екіншісі — PANTERA аккаунтының иесі, 33 жастағы Әлия Молдаханова.
Сот шешімімен Алексей Дрожжин 10 тәулікке әкімшілік қамауға алынды. Ал Әлия Молдахановаға айыппұл түріндегі әкімшілік жаза тағайындалды.
Полиция әлеуметтік желілерге мониторинг тұрақты түрде жүргізілетінін және заң талаптарын бұзған қолданушыларға қатысты тиісті шаралар қабылданатынын ескертті.
Желіде де заң жұмыс істейтінін ұмытпаңыз. Еліміздегі басты құқықтық жаңалықтар мен маңызды оқиғаларды SHYNDYK.KZ порталынан оқыңыз.
