Үкімет мемлекетке қайтарылған заңсыз активтер есебінен Ақтөбе қаласында жаңа су құбырын салуға 5 млрд теңге бөлді.
Жоба аясында Сарыбұлақ кен орнынан топтық су құбырын тарту көзделген. Бұл тез өсіп келе жатқан Батыс-1, Батыс-2 және Батыс-3 шағын аудандарын тұрақты түрде тіршілік нәрімен қамтамасыз етуге мүмкіндік береді.
Құрылыс жұмыстары биыл басталады. Жоспар бойынша 20 артезиан ұңғымасы қазылып, тәулігіне 70 мың текше метрге дейін су өткізе алатын желі салынбақ.
Үкіметтің мәліметінше, Сарыбұлақ кен орнының қоры қаланы алдағы 30 жыл бойы ауызсумен толық әрі үзіліссіз қамтамасыз етуге жетеді.
Мемлекетке қайтарылған қаражат қайда жұмсалып жатыр? Еліміздің экономикасы мен инфрақұрылымына қатысты басты жаңалықтарды SHYNDYK.KZ порталынан оқыңыз.
