Йемендік «Ансар Аллах» қозғалысы (хуситтер) Сауд Арабиясының мұнай танкеріне жаңа шабуыл жасағанын мәлімдеді, деп хабарлайды Al Masirah телеарнасына сілтеме жасаған SHYNDYK.KZ
Хуситтердің мәлімдеуінше, бұл – соңғы бір тәулік ішінде нысанаға алынған Сауд Арабиясының екінші мұнай танкері. Бір күн бұрын қозғалыс Қызыл теңіздің солтүстік бөлігіндегі Wafa кемесіне шабуыл жасалғаны туралы хабарлаған болатын. Дегенмен, Эр-Рияд немесе халықаралық ұйымдар тарапынан бұл мәлімдемелерге әзірге ресми растау түскен жоқ.
Жаңа шабуыл хуситтер Сауд Арабиясына теңіз блокадасын жариялағаннан кейін екі аптадан соң орын алып отыр. Қозғалыс Қызыл теңіз бен Аден шығанағы арқылы өтетін корольдікке қатысы бар кемелерге соққы жасауды көздеп отырғанын мәлімдеген еді.
Жалғасып жатқан қақтығыс аясында аймақтағы жағдай әлі де шиеленісті күйде қалып отыр. Кеме қатынасы компаниялары күн сайын миллиондаған баррель мұнай тасымалданатын әлемдегі ең маңызды маршруттардың бірімен өту кезіндегі жоғары қауіп-қатерлерді ескеруге мәжбүр.
