Бас прокуратураның мәліметінше, көп миллиондық алаяқтық жасады деген күдікті Грузиядан Қазақстанға жеткізілді.
Тергеу нұсқасы бойынша, ол 2021 жылдың қаңтарынан 2022 жылдың ақпанына дейін Атырау қаласында жергілікті тұрғынды Кипрден пәтер сатып алуға көмектесе алатынына сендірген. Осы желеуіне ерген әйел оған бірнеше рет ақша аударып, келтірілген жалпы шығын көлемі 100 миллион теңгеден асқан.
Қылмыс жасағаннан кейін күдікті елден қашып кетіп, оған халықаралық іздеу жарияланған. 2026 жылдың маусым айында ол Грузия аумағында ұсталды.
Бүгін Бас прокуратура қызметкерлері Қазақстан ІІМ Интерполымен бірлесіп, одан әрі тергеу амалдарын жүргізу үшін күдіктіні елге жеткізді. Егер оның кінәсі дәлелденсе, мүлкі тәркіленіп, 10 жылға дейін бас бостандығынан айырылуы мүмкін.
Толығырақ ақпарат пен өзге де маңызды жаңалықтарды SHYNDYK.KZ сайтынан оқи аласыздар.
