Жапониядағы жер сілкінісі Яцусиро қаласындағы ауруханалардың бірінің бейнекамерасына түсіп қалды. Ғимараттағылар сілкіністі сезіне бастаған сәтте дәрігерлер операция жасап жатқан және науқас хирургиялық үстелде жатқан болатын.
Дүмпудің күшті болғаны сонша, бөлмедегі жабдықтар қозғалып кетті. Жоғарыда бекітілген медициналық құрылғылар шайқалып, операциялық үстелдің өзі де орнынан жылжи бастады.
Кадрлардан қызметкерлердің бірден науқастың айналасына жиналғанын көруге болады. Бірнеше медик үстел мен аппараттарды ұстап тұр, ал қалғандары құлап кетуі мүмкін заттардан қорғау үшін жатқан адамға тақалып, оны өз денелерімен жауып тұр.
Мұндай жағдайда науқасты операция бөлмесінен тез алып шығу мүмкін емес еді. Дәрігерлерге ең күшті дүмпулерді тура сол бөлмеде күтіп өткізуге тура келді. Олар бір уақытта үстелдегі адамды да, медициналық жабдықтарды да бақылап тұрған. Дәл осы уақытта аурухананың басқа да бірнеше операциялық бөлмесінде хирургиялық араласулар жүріп жатқан. Кейін олардың барлығы сәтті аяқталды.
Еске сала кетейік, 28 шілдеде Жапонияның оңтүстік-батысында қатты жер сілкінісі болды. Ең көп зардап шеккен аудандардың бірі Кумамото префектурасы еді.
Негізгі дүмпудің магнитудасы 7,1-ді құрады. Одан кейін де қайталама тербелістер тіркелді.
Жерасты дүмпулері ғимараттар мен инфрақұрылым нысандарының зақымдалуына әкеп соқты. Кейбір аудандарда электр жарығы мен көлік қатынасында үзілістер болды.
Жер сілкінісінен кейін құтқару және коммуналдық қызметтер зақымдалған аумақтарды тексеруге және салдарды жоюға кірісті.
Бұл туралы шетелдік БАҚ-қа сілтеме жасап SHYNDYK.KZ хабарлайды. Ең өзекті және маңызды жаңалықтарды біздің сайттан оқи аласыздар.
