Қайғылы оқиға Бангкоктың солтүстік-батыс шетінде орналасқан Нонтхабури провинциясындағы Debsirin Nonthaburi мектебінде болды.
Алдын ала мәліметтер бойынша, мектеп оқушыларының бірі айналасына оқ жаудырған. Атыс туралы алғашқы хабарламалардан кейін оқу орнына полиция, құтқарушылар және жедел жәрдем бригадалары жетті. Мектеп аумағы қоршауға алынып, ғимарат ішіндегі адамдарды қауіпсіз жерге көшіру басталды.
Алғашқы сағаттарда қаза тапқандар мен жараланғандар саны туралы ақпарат бірнеше рет өзгерді. Бастапқыда екі мұғалімнің қаза тауып, шамамен 15-20 адамның зардап шеккені айтылған болатын. Кейінірек кейбір тайландтық басылымдар жеті адамның — үш мұғалім, үш оқушы және шабуыл жасаған күдіктінің көз жұмғанын хабарлады. Тағы 15-ке жуық адам түрлі жарақат алған.
Жергілікті БАҚ өкілдерінің мәліметінше, оқ атқан адам осы мектептің кәмелетке толмаған оқушысы болып шықты. Оның да қаза тапқаны айтылуда. Қылмыстың себебі әзірге ресми түрде анықталған жоқ.
Қазіргі уақытта оқиға орнында полиция қызметкерлері жұмысын жалғастыруда. Тайланд билігі құрбандардың нақты саны мен шабуылдың мән-жайын анықтап жатыр.
Бұл туралы шетелдік БАҚ-қа сілтеме жасап SHYNDYK.KZ хабарлайды. Ең өзекті және маңызды жаңалықтарды біздің сайттан оқи аласыздар.
