Астанада транзиттік бағытта жүретін ауыр жүк көліктерінің қозғалыс тәртібі өзгерді. Жаңа ережелер 8 тамыздан бастап күшіне енді.
SHYNDYK.KZ редакциясының зерттеуінше, әкімдік қаулысына сәйкес, транзиттік фураларға елорданың ішкі жол айналмасы арқылы қозғалуға қатаң тыйым салынды. Енді мұндай көліктер тек «Астана қаласын айналып өту» автожолы арқылы ғана жүруге тиіс.
Бұл шектеу шарасы «Астана қаласының мәртебесі туралы» Конституциялық заңның талаптарына сай қабылданды. Айта кету керек, енгізілген жаңа ережелер жеңіл автокөліктерге қолданылмайды.
