Астана – Петропавл автожолының 97-шақырымында екі көліктің қатысуымен адам өліміне әкеп соқтырған ауыр жол-көлік оқиғасы орын алды. Жолда Mercedes-Benz Sprinter мен ГАЗ-53 көліктері соқтығысқан.
SHYNDYK.KZ хабарлағандай, апат салдарынан Mercedes-Benz Sprinter автокөлігінің бір жолаушысы алған ауыр жарақаттарынан оқиға орнында көз жұмды.
Оған қоса, апаттан тағы сегіз адам түрлі дене жарақатын алды. Олардың жетеуі микроавтобус ішінде болса, біреуі ГАЗ-53 көлігінің жолаушысы болып шықты. Зардап шеккендердің барлығы шұғыл түрде медициналық мекемеге жеткізілді.
Қазіргі уақытта қайғылы оқиғаның мән-жайы мен себептері анықталуда. Дерек бойынша сотқа дейінгі тергеп-тексеру басталды, оның нәтижесі бойынша процестік шешім қабылданады.
Полиция қызметкерлері жүргізушілерге жылдамдық режимін қатаң сақтап, қалааралық тасжолдарда барынша мұқият болуды кезекті рет ескертеді.
