Қытайдың оңтүстігінде ерекше оқиға тіркелді. Электромобильдерді қуаттау бекетінің жанында жүрген кішкентай піл кездейсоқ сымға оралып қалып, өз бетінше шыға алмай қиналып қалған.
SHYNDYK.KZ хабарлағандай, баласының бәлеге ұрынғанын байқаған ана піл бірден көмекке ұмтылған. Ол төлін босатып алмақ болып, станцияны барлық жабдығымен қоса түгін қалдырмай қиратып тастаған.
Ақыр соңында пілдің баласы кабельден босап шығып, анасының жанына аман-есен оралды.
Оқиғаның видеосы әлеуметтік желілерде тарап, ғаламтор қолданушыларының қызу талқысына түсті. Желідегілерді пілдің әрекеті таңғалдырды. Ол төлі үшін жолында кездескен кедергінің бәрін жермен-жексен етуге дайын екенін көрсеткен.
