Еліміздегі маңызды саяси додаға небәрі 12 күн қалды. Осы орайда «Әділет» партиясының республикалық сайлауалды штабы дайындықты барынша жандандырып жатқанын SHYNDYK.KZ порталы өз оқырмандарына жеткізеді.
Шешуші күн жақындаған сайын саяси ұйым өкілдерінің жұмыс кестесі де тығыздала түскен. Штабтағылардың мәліметінше, күн сайын сайлаушылармен маңызды кездесулер өтіп, аймақтарға іссапарлар мен арнайы түсірілімдер тоқтаусыз ұйымдастырылуда. Өңірлердегі команда да жұмыс қарқынын бір сәтке бәсеңдетпестен, халықпен тығыз байланыс орнатып жатыр.
Науқанға қатысушылардың барлығын ортақ мақсат пен біртұтас бағыт біріктіріп отыр. Партияның сайлауалды жұмысының ең негізгі ұстанымы әрі айтар ойы – Әділетті Қазақстанды барша халық болып жұмыла құруға шақыру.
