Оқиға Жамбыл ауданының Үлкен ауылы маңындағы Балқаш көлінің жағалауында болған. Жеңіл көлік суға түсіп, алаңсыз демалып жатқан адамдардың дәл ортасынан бір-ақ шыққан.
Бұл өрескел әрекеттің видеосы әлеуметтік желілерде тарап, бірден полиция назарына іліккенін SHYNDYK.KZ порталы хабарлайды. Тәртіп сақшылары жүргізушінің жеке басын жылдам анықтап үлгерді, ол Алматы қаласының 32 жастағы тұрғыны болып шықты.
Тәртіп бұзушыға қатысты ұсақ бұзақылық бабы бойынша әкімшілік хаттама толтырылды. Кейінірек сот шешімімен оған бес тәулікке әкімшілік қамауға алу түріндегі жаза тағайындалды. Ал адамдардың қауіпсіздігін елемеген азаматтың автокөлігі арнайы айыппұл тұрағына жеткізілді.
