Алматы полициясы әлеуметтік желілердегі мониторинг барысында жол бойында екі жүргізушінің жанжалдасқаны түсірілген бейнежазбаны анықтады. Кадрдан ер адамдардың бірі өзге жүргізушіге қатысты ашықтан-ашық күш қолданғаны айқын көрінеді.
Оқиғадан кейін тәртіп сақшылары бірден сотқа дейінгі тергеу амалдарын бастап кетті. Көп ұзамай күдіктінің жеке басы анықталып, ол ұсталды. Қазіргі уақытта ер адам уақытша ұстау изоляторына қамауға алынды.
Аталған іс Алматы қалалық Полиция департаменті басшылығының арнайы бақылауында. Тәртіп сақшылары жол үстіндегі кез келген даулы жағдайды тек заң шеңберінде шешу керектігін, ал кез келген физикалық күш көрсету әрекеті заң бойынша қатаң жазаланатынын тағы бір мәрте ескертеді.
