Қазіргі таңда Ye лақап атымен өнер көрсетіп жүрген Канье Уэст қазірдің өзінде Алматыда. Әлеуметтік желілерде оның Қазақстанға табан тіреген алғашқы сәттерінен кадрлар тарай бастады.
Әлемдік жұлдызды қарсы алу рәсімі қазақи салт-дәстүрге сай ұйымдастырылып, халқымыздың қонақжай мінезі паш етілді. Музыкантқа ұлттық биден шашу шашылып, қадірлі мейман ретінде төл тағамдарымыздан дәм татырылды. Осылайша, рэпер елге қадам басқан алғашқы минуттардан бастап жергілікті мәдениетпен және қазақтың жылы лебізімен танысты.
Ye-нің келуі жанкүйерлер арасында үлкен қызығушылық тудыруда. Оның Қазақстандағы өнері биылғы жаздың ең ірі әрі ауқымды музыкалық оқиғаларының бірі ретінде бағаланып отыр.
Бүгін, 14 тамыз күні, әртіс Алматыдағы Орталық стадион сахнасына шығады деп жоспарланған. Мыңдаған көрермен асыға күтіп отырған бұл концерт пен әлемдік музыка индустриясындағы ең танымал әрі көп талқыланатын орындаушылардың бірінің келуі қала өміріндегі нағыз айтулы оқиғаға айналды.
