Асылы Османға ІІ дәрежелі «Барыс» ордені Қазақстан Президенті Қасым-Жомарт Тоқаевтың жарлығымен берілді. Мемлекет басшысының атынан марапатты Алматы әкімі Дархан Сатыбалды табыс етті.
Асылы Осман көп жылдар бойы қазақ тілі мен ұлттық құндылықтарды кеңінен насихаттаумен айналысып келеді. Ол ҚР Ұлттық ғылым академиясының корреспондент-мүшесі және Мемлекеттік тіл қауымдастығын басқарады.
Оның елдегі қоғамдық келісім мен тұрақтылықты нығайтуға қосқан елеулі үлесі, сондай-ақ көпжылдық қоғамдық және мәдени қызметі ерекше атап өтілді.
Асылы Осман 200-ден астам ғылыми және аударма еңбектің авторы. Ол мемлекет пен қоғам алдындағы ерекше сіңірген еңбегі үшін ІІ дәрежелі «Барыс» орденімен марапатталып отыр.
