Қазақстанда үй жануарын ұстаудан бас тартқан жағдайда иесінің әрекеттерін айқындайтын ережелер бекітілді. Тиісті бұйрықты Экология және табиғи ресурстар министрлігі қабылдады.
Мұндай жағдайда үй жануарын жаңа иесіне, панажайға немесе уақытша ұстау пунктіне беру қажет. Жануарды ұстауға қажетті жағдайлар жасалған болса, оны жеке тұлғаға да, ұйымға да беруге болады.
Бұл ретте үй жануарынан бас тартудың өзі бұрынғы иесін оған деген жауапкершіліктен босатпайды.
Иесінің міндеттері жануар ресми түрде басқа адамға немесе ұйымға өткенге, панажайға берілгенге дейін немесе уақытша ұстау пунктінде оның әрі қарайғы тағдыры шешілгенге дейін сақталады.
Егер иесі питомды уақытша ұстау пунктіне өткізсе, оның әрі қарай не болатыны шешілгенге дейін жануарға кеткен шығындарды өзіне төлеуге тура келеді.
Осылайша, мысықтан немесе иттен жай ғана бас тартып, барлық міндеттемелерден босап шығуға болмайды.
