«Ақ жол» Демократиялық партиясының төрайымы Дания Еспаева бастаған республикалық штаб мүшелері Шығыс Қазақстан облысындағы «Восток-Молоко» корпорациясының өндірістік алаңында болды.
Партия өкілдері кәсіпорынның жұмысымен, өндірістік желілермен және шығарылатын өніммен танысып, жұмысшылармен әрі жергілікті бизнес өкілдерімен кездесті.
Кездесу барысында отандық өндіріс пен шағын және орта бизнесті (ШОБ) қолдау, әкімшілік кедергілерді азайту, салық саясатының тұрақтылығы және қазақстандық өнімді өткізу нарығын кеңейту мәселелері талқыланды.
Дания Еспаева кәсіпкерлік пен өндірістік секторды қолдау «Ақ жол» партиясының басты басымдықтарының бірі болып қала беретінін атап өтті. Өз кезегінде бизнес өкілдері кәсіпкерлер тап болатын кедергілер мен түйткілді мәселелерді айтып, өз ұсыныстарын жеткізді.
Іс-шара партияның сайлауалды үгіт-насихат науқаны аясында өтті.
