Мұндай радикалды шаралардың бастамашысы елдің ең ірі оппозициялық партиясы Гоминьдан болды. Дүре соғуды қылмыстық жаза ретінде енгізу идеясын депутаттар көктемде-ақ ұсынып, мұны қолданыстағы заңдардың қылмыскерлерді тиімді тоқтата алмайтынымен түсіндірген еді. Соңғы сауалнамаларға сәйкес, Тайвань тұрғындарының шамамен 70%-ы алаяқтар мен зорлық-зомбылық жасаған адамдарды дүре соғумен жазалауды қолдауға дайын.
Енді референдум өткізуді Орталық сайлау комиссиясы ресми түрде бекітуі тиіс. Дауыс беру 28 қарашада жергілікті сайлаумен бір күнде өтеді деп күтілуде. Бастама өтуі үшін барлық сайлаушылардың кем дегенде төрттен бірі (шамамен бес миллион адам) «жақтап» дауыс беруі қажет, сонымен қатар қолдаушылар саны қарсыластардан көп болуы шарт.
Алайда референдум сәтті өткеннің өзінде жаза бірден қолданылады деген сөз емес. Үкіметке тиісті заң жобасын әзірлеп, оны парламенттің қарауына енгізуге тура келеді.
Бұдан бөлек, депутаттар тағы екі референдум өткізуді мақұлдады: атом энергетикасына қайта оралу және жол ережесін бұзғаны үшін өндірілген айыппұл қаражатын тек жол қауіпсіздігін жақсартуға мақсатты түрде пайдалану туралы. Айта кетейік, Тайваньның билеуші Демократиялық прогрессивті партиясы бұл үш дауыс беруді де өткізуге үзілді-кесілді қарсы шықты.
