Оқиға демалушылардың танымал табиғи орын, Үлкен бассейн көліне қарай бағыт алған кезінде болған. Жаяу серуен барысында туристер бағдардан жаңылып, таулы-орманды алқапта адасып кеткен.
Көмекке ТЖМ құтқарушылары жедел жетті. Мамандар жоғалғандармен тез арада ұялы байланыс орнатып, олардан нақты координаттарын жіберуді сұраған. Алынған геомәліметтердің арқасында іздеу тобы оларды «Сосновый Бор» демалыс аймағынан батысқа қарай бес шақырым жерден тапты.
Ведомство қызметкерлері әйелдер мен баланы демалыс орнына аман-есен жеткізді. Қуанышқа орай, құтқарылғандардың денсаулық жағдайы қалыпты болып шықты, оларға ешқандай медициналық көмек қажет болмады.
