Алдын ала мәліметтер бойынша, лайнер бортында 351 жолаушы болған. Абырой болғанда, штаттан тыс жағдай сәтті аяқталды: жолаушылар мен экипаж мүшелерінің ешқайсысы зардап шеккен жоқ, олардың барлығы ұшақтан аман-есен шықты.
Қазіргі уақытта оқиғаның нақты себептері белгісіз күйінде қалып отыр. Lufthansa әуекомпаниясының өкілдері ұшақтың жерге ерте тиюі салдарынан бортқа қандай да бір техникалық зақым келген-келмегенін және Мюнхен әуежайының инфрақұрылымына нұқсан келгенін әлі нақтылаған жоқ. Авиациялық оқиғаның барлық мән-жайын анықтаумен бейінді мамандар айналысатын болады.
