The Washington Post басылымының мәліметінше, америкалық билік ықтимал биологиялық шабуылдардан қорғанудың кешенді стратегиясын бір жылдан астам уақыт бойы әзірлеп келеді. Нейрожелілердің мүмкіндігі артып келе жатқаны сарапшыларды алаңдатып отыр, себебі қаскөйлер алгоритмдерді биологиялық қарудың жаңа түрлерін жасау үшін пайдалануы әбден мүмкін.
Дегенмен, АҚШ билігі жасанды интеллектіні тек жаһандық қауіп көзі ретінде ғана емес, қауіпсіздікті нығайтудың қуатты құралы ретінде де қарастыруда. Атап айтқанда, Пентагон болашақ пандемиялардан қорғанатын вакциналар, антидоттар және биоқаруға қарсы басқа да құралдарды әзірлеуді жеделдету үшін ИИ мүмкіндіктерін белсенді түрде зерттеп жатыр.
Осындай маңыздылыққа қарамастан, бұл саладағы жұмыстар кадрлық және бюрократиялық кедергілерге тап болды. Басылымның жазуынша, Дональд Трамптың екінші президенттік мерзімінің басында биологиялық қауіпсіздікке жауапты профильді бөлімшелер қайта құрылған. Тәжірибелі мамандардың бір бөлігінің жұмыстан шығарылуы және кадрлық ауыс-түйістер жаңа қорғаныс шараларын әзірлеу процесін айтарлықтай баяулатып тастаған.
