Бұл туралы Анастасия Ахметова мәлімдеді. Оның сөзінше, 16 тамызда екі апталық жорықтан оралған достары оқиға орнынан түсірілген фотосуреттерді көрсеткен. Ақпарат алған бойда олар координаттар мен суреттерді 109 қызметіне, одан әрі Төтенше жағдайлар департаментіне (ТЖД) жолдаған.
Айта кетерлігі, әлеуметтік желідегі жазбада бұл бағыттағы мәйіт туралы ақпараттың 2025 жылғы ресейлік топтың есебінде де кездесетіні айтылған. Автордың болжамы бойынша, сүйектер бұл жерде бір маусымнан астам уақыт жатқан болуы мүмкін.
Қазіргі таңда ТЖМ «Қазавиақұтқару» тікұшағы мәйітті алу үшін аттанып кетті. Құтқарушылар шамамен 4300 метр биіктіктен сүйектерді түсіріп, полиция қызметкерлеріне тапсыруы тиіс.
