Кәсіпкер өзінің әлеуметтік желісінде мемлекеттік қарыздың күрт өсуін көрсететін графикке қатысты пікір білдірді. Жарияланған суретте 2030 жылға дейінгі кезең біршама тұрақты деп көрсетілгенмен, қарыз көлемі 50 триллион доллардан асқаннан кейін америкалық экономика үшін апатты салдары болатыны жазылған. Илон Маск бұл жарияланымға қысқа қайырып, графиктің өте дәл екенін айтты.
Айта кетейік, бүгінгі таңда Құрама Штаттардың мемлекеттік қарызы 40 триллион долларлық тарихи шектен асып кеткен. Қаржы сарапшылары осындай орасан зор қарызға қызмет көрсету федералды бюджеттің едәуір бөлігін жұтып, тіпті елдің қорғаныс саласына бөлінетін шығындардан да асып түскенін айтып, дабыл қағуда.
Илон Маск алдағы дағдарыс туралы осыған дейін де бірнеше рет ескерткен болатын. Ол егер үкімет мемлекеттік шығындарды түбегейлі қысқартпаса, АҚШ-ты банкроттық күтіп тұрғанын мәлімдеген. Кәсіпкердің пайымдауынша, бұл тығырықтан шығудың жалғыз балама жолы – жасанды интеллект пен робототехниканы жаппай енгізу арқылы еңбек өнімділігі мен экономикалық тиімділікті еселеп арттыру.
