Сапар үгіт-насихат науқаны аясында ұйымдастырылды. Кәсіпорын өкілдері қонақтарға өндірістің негізгі кезеңдерін көрсетіп, шығарылатын өнімдер, өндірістік қуат және жұмыс үдерісінің ұйымдастырылуы туралы айтып берді.
Кездесу барысында тараптар отандық өндірісті дамыту және кәсіпкерлерге қолайлы жағдай жасау мәселелерін талқылады. Өндірістік қуатты арттыруға, жұмыс орындарын сақтауға және қазақстандық кәсіпорындардың бәсекеге қабілеттілігін көтеруге ерекше назар аударылды.
«Ақ жол» партиясының өкілдері экономиканың нақты секторын қолдау партияның экономикалық саясатының негізгі бағыттарының бірі болып қала беретінін атап өтті. Олардың пікірінше, экономиканың тұрақты дамуы өз өнімін шығарып, азаматтарды жұмыспен қамтып отырған отандық кәсіпорындардың қызметімен тікелей байланысты.
Партияның басым бағыттары қатарында тұрақты әрі түсінікті салық саясатын қалыптастыру, әкімшілік кедергілерді азайту, жеке меншікті қорғау және адал бәсекелестікке жағдай жасау мәселелері де аталды.
«Ақ жол» партиясы қазақстандық өндірушілерді қолдау жаңа жұмыс орындарын ашуға, отандық өнімнің үлесін арттыруға және елдің экономикалық әлеуетін нығайтуға мүмкіндік беретінін мәлімдеді.
