Qarmet компаниясының кәсіпорындарында екі учаске, Балқаштағы Kazakhmys Smelting кәсіпорнында бір учаске, ал Нұра ауданындағы «Шұбаркөл Көмір» компаниясында тағы бір учаске ашылған. Бұл қызметкерлерге өндірістен қол үзбей дауыс беруге мүмкіндік береді.
Ермағанбет Бөлекпаев дауыс беру күнінің ел үшін маңызы зор екенін атап өтті. Жаңа Конституция қабылданғаннан кейін қазақстандықтар алғаш рет жаңа бір палаталы Парламент – Құрылтай депутаттарын сайлап жатыр.
Ол облыс тұрғындарын сайлау учаскелеріне келіп, дауыс беруге шақырды. Сондай-ақ жастарға үндеу жасап, елдің келешегі олардың белсенділігі мен азаматтық жауапкершілігіне байланысты екенін айтты.
Ермағанбет Бөлекпаевтың сөзінше, өңірде барлық тұрғынның дауыс беруіне қажетті жағдай жасалған. Сайлау күні жұмыс орнында жүрген азаматтардың да сайлауға қатысуына мүмкіндік беріліп отыр.
