Аида Балаева Ұлттық академиялық кітапхана ғимаратында орналасқан сайлау учаскесінде өз таңдауын жасады.
Қорғаныс министрі Дәурен Қосанов алғашқылардың бірі болып дауыс берді. Сайлауға 130 мыңға жуық әскери қызметші мен олардың отбасы мүшелері қатысып жатыр. Әскери бөлімдердің аумағында 25 сайлау учаскесі ашылған.
Бұл учаскелерде дауыс беру сағат 6:00-де басталды. Учаскелердің ерте ашылуы қарауылға және кезекшілікке түсетін әскери қызметшілердің сайлауға қатысуына мүмкіндік берді.
Сыртқы істер министрі Ермек Көшербаев та сайлауда өз дауысын берді.
Бүгін, 23 тамызда Қазақстанда жаңа бір палаталы Құрылтай депутаттарының алғашқы сайлауы өтіп жатыр. Оның құрамына бес жыл мерзімге сайланатын 145 депутат кіреді.
Орталық сайлау комиссиясының мәліметінше, сағат 10:00-дегі сайлаушылардың дауыс беруге қатысу көрсеткіші 17,96%-ды құрады. Ішкі істер министрлігі елдегі жағдай тұрақты екенін, өрескел заң бұзушылықтар тіркелмегенін хабарлады.
