Шетелдегі Қазақстан азаматтары үшін дипломатиялық өкілдіктер мен консулдық мекемелер жанынан 79 сайлау учаскесі ашылған. Олар 61 мемлекетті қамтыды.
Сыртқы істер министрлігінің мәліметінше, шетелдегі сайлаушылар тізіміне енгізілген азаматтардың 84,8 пайызы дауыс беруге қатысты.
Уақыт белдеулерінің айырмашылығына байланысты шетелдегі учаскелер жұмысын әр уақытта аяқтады. Ең соңғы болып Қазақстанның Сан-Францискодағы Бас консулдығы жанындағы сайлау учаскесі жабылды.
Ондағы дауыс беру Астана уақытымен 24 тамыз күні сағат 08:00-де аяқталды. Осы учаске жабылғаннан кейін Қазақстаннан тыс жерлерде ұйымдастырылған дауыс беру толығымен мәресіне жетті.
