Еуразиялық интеграция институтының дерегіне сәйкес, «Әділет» партиясы 111 мандатқа, «Ауыл» партиясы 10 мандатқа ие болуы ықтимал. Ал Respublica, Жалпыұлттық социал-демократиялық партия және «Ақ жол» партиясына 8 мандаттан берілуі мүмкін.
«Социс-А» ИКСИ жүргізген экзитпол нәтижесі бойынша «Әділет» партиясы 110 орынға ие болады. «Ауыл» партиясына 10 мандат, Respublica партиясына 9 мандат, ал ЖСДП мен «Ақ жолға» 8 орыннан тиесілі болуы мүмкін.
Қоғамдық саясат институтының есебінде «Әділет» партиясына 112 мандат, «Ауылға» 9 мандат беріледі деп болжанған. Respublica, ЖСДП және «Ақ жол» партияларының әрқайсысы 8 мандаттан иеленуі ықтимал.
Осылайша, үш экзитполдың ортақ көрсеткіштері бойынша мандаттардың ықтимал бөлінісі мынадай:
- «Әділет» – 110–112 мандат;
- «Ауыл» – 9–10 мандат;
- Respublica – 8–9 мандат;
- ЖСДП – 8 мандат;
- «Ақ жол» – 8 мандат.
Қазақстан Халық партиясы мен «Байтақ» партиясы үш экзитполдың ешқайсысында 5 пайыздық межеден өте алмады.
Бұл – алдын ала жасалған есеп. Мандаттардың нақты саны мен сайлаудың ресми қорытындысын Орталық сайлау комиссиясы жариялайды.
