Никол Пашинян Мемлекет басшысын сайлаудың сәтті өтуімен құттықтап, бұл оқиғаның Қазақстанның одан әрі саяси дамуындағы тарихи маңызын атап өтті.
Қасым-Жомарт Тоқаев құттықтауы үшін және Армения өкілдерінің сайлау процесін бақылауға қатысқаны үшін алғыс білдірді. Армения делегаттары халықаралық байқаушылар миссиясының құрамында жұмыс істеді.
Тараптар сондай-ақ Қазақстан мен Армения арасындағы қазіргі қарым-қатынастардың жай-күйі мен одан әрі ынтымақтастық перспективаларын қарастырды.
Әсіресе сауда-экономикалық байланыстарды кеңейту және бірлескен инвестициялық жобаларды жүзеге асыру мәселелеріне назар аударылды.
