Қазақстанда Құрылтай депутаттарының бұқаралық ақпарат құралдары өкілдерімен байланыс орнату тәртібі өзгерді. Бұдан былай барлық брифинг, сұхбат және журналистердің депутаттарға сұрақ қоюына арналған кездесулер ресми түрде бекітілген баспасөз орталығында ғана өтеді, деп хабарлайды SHYNDYK.KZ.
БАҚ-пен жұмыс істеудің қалыптасқан тәртібін өзгерту туралы шешім Құрылтайдың жаңа ішкі құрылымдарының енгізілуіне және жұмыс үдерістерін оңтайландыруға байланысты қабылданды.
Жаңартылған ереже депутаттар мен журналистердің жұмысын ретке келтіріп, ақпарат алмасуға барынша ұйымдастырылған жағдай жасауға бағытталған.
Сонымен қатар қажетті ақпаратты алуға шектеу қойылмайтыны айтылды. БАҚ өкілдері мен азаматтар толық түсініктеме алу үшін депутаттарға ресми жазбаша өтініштер мен сауалдар жолдай алады.
