Кездесу барысында Мемлекет басшысы бірқатар бірінші кезектегі міндетті белгіледі. Соның ішінде Қазақстан Республикасы Қауіпсіздік кеңесінің аппаратын құруға қатысты тапсырмалар берілді.
Президентке тікелей бағынатын әрі есеп беретін жаңа мемлекеттік орган ұлттық қауіпсіздікті, заңдылық пен құқықтық тәртіпті қамтамасыз ету мәселелерімен айналысады.
Кездесу Аида Балаева Қауіпсіздік кеңесі төрағасының орынбасары қызметіне тағайындалғаннан кейін өтті. Тиісті Жарлықты Мемлекет басшысы 31 тамызда шығарған еді.
