Астанада фельдшер Улдана Мырзуан қаза тапқан Тәуелсіздік даңғылы, 24Б мекен-жайындағы үйдің тұрғындары ғимаратты бюджет есебінен жөндеуді сұрап отыр. Алайда әкімдік қолданыстағы заңнамаға сәйкес, тұрғын үй қасбетін жөндеу жұмыстары пәтер иелерінің міндеті екенін түсіндірді.
«Аудандық әкімдік өкілдері 2026 жылғы 21 тамызда Тәуелсіздік 24Б үйінің меншік иелерімен кездесіп, ғимаратты 2023-2029 жылдарға арналған ТКШ бағдарламасы арқылы жөндеуді ұсынды. Алайда тұрғындар өз есебінен жөндеу жүргізуден үзілді-кесілді бас тартып, үйді бюджет есебінен қалпына келтіруді талап етті», — деп хабарлады әкімдік.
Қала билігі бюджеттен қаржы бөлу мүмкіндігін толық жоққа шығармайды. Жөндеу елорданың бірыңғай сәулеттік келбетін қалыптастыру аясында жүргізіліп, тиісті қаражат бөлінген жағдайда қаржыландырылуы мүмкін.
Қазір тұрғындар үйдің техникалық жағдайына толық сараптама жүргізуді талап етіп отыр.
