Шығыс Қазақстан облысының Глубокое ауданында полиция заңсыз қарасора өсіріп, сақтады деген күдікпен 48 жастағы тұрғынды ұстады.
Үйі мен шаруашылық құрылыстарын тінту кезінде полицейлер өсімдік тектес зат салынған орамаларды, кептірілген өсімдік бөліктерін және қарасора бұталарын тапқан. Бақша аумағынан да қарасора өсімдіктері анықталды.
Сараптама тәркіленген заттардың есірткіге жататынын растады. Оның жалпы салмағы 34,9 келіні құрады.
Ер адам уақытша ұстау изоляторына қамалды. Қылмыстық іс қозғалып, тергеу жалғасып жатыр.
