Бір бөлмелі пәтерлердің жалдау ақысы бір айда орта есеппен 11%-ға, ал үш бөлмелі пәтерлердікі 10%-ға өсті.
Екі бөлмелі баспананы жалға алу құны Қарағандыда едәуір артқан. Баға 26%-ға өсіп, айына 230 мың теңгеге жетті. Қостанай мен Павлодарда жалдау ақысы 25%-ға қымбаттап, 250 мың теңгені құрады. Оралда баға 20%-ға көтеріліп, 180 мың теңгеге жеткен.
Алматы мен Астанада екі бөлмелі пәтерлерді жалға алудың медианалық бағасы теңесіп, айына 350 мың теңгені құрады. Елордада бір бөлмелі пәтер орта есеппен 250 мың теңгеге, ал Алматыда 230 мың теңгеге жалға беріледі.
Ең жоғары баға Алматы мен Астанадағы үш бөлмелі пәтерлерге тіркелді. Олардың медианалық жалдау ақысы айына 500 мың теңгеге жетті.
Бір бөлмелі пәтерлер арасында бағаның ең күрт өсуі Павлодарда байқалды. Мұнда жалдау ақысы 28,6%-ға — 140 мыңнан 180 мың теңгеге дейін көтерілген. Көкшетауда үш бөлмелі баспананың бағасы 30%-ға өсіп, 200 мыңнан 260 мың теңгеге жетті.
Медианалық көрсеткіш баға ауқымының орта тұсын білдіреді: ұсыныстардың жартысы көрсетілген сомадан арзан, қалған жартысы қымбат.
