Бейнежазбадан Астана бағытында келе жатқан Mercedes көлігінің басып озу кезінде бір бағытта қозғалған «Газельмен» соқтығысқанын көруге болады. Соққыдан кейін «Газель» жүргізушісі көлікті басқара алмай қалып, жолдан шығып кетіп, орға аударылған.
Жол апаты 3 қыркүйекте Шөптікөл ауылының маңында болған. «Газельдің» жүргізушісі мен жолаушысы түрлі жарақатпен медициналық мекемеге жеткізілді. Кейін жолаушы ауруханада қайтыс болды.
Полиция сотқа дейінгі тергеп-тексеруді бастады. Оқиғаның себептері мен мән-жайы анықталып жатыр.
«ҚазАвтоЖол» жүргізушілерді жылдамдық режимі мен жол қозғалысы ережелерін сақтауға, ал басып озар алдында жолдағы жағдай мен ықтимал қауіптерді бағалауға шақырды.
