Брифингте сөз сөйлеген министр университеттің қаза тапқан қыздың отбасына жан-жақты қолдау көрсетіп жатқанын жеткізді. Оқу орны қажетті шығындарды өтеп қана қоймай, барлық қаржылық төлемдерді де қалпына келтірді.
«Біз бірден қамқоршыларымен байланысқа шықтық. Университет барлық шығынды өз мойнына алды. Барлық ақшаны, төлемдерді де қалпына келтірдік. Кез келген көмек бойынша әкесімен де, қамқоршыларымен де тікелей байланыстамыз», — деді Саясат Нұрбек.
Ведомство басшысы тергеу құпиялығына байланысты трагедияның басқа мән-жайларын жария етуден бас тартты.
Еске салайық, қайғылы оқиға 6 қараша күні ҚазҰУ студенттер қалашығының аумағында болды — журналистика факультетінің студенті көз жұмды. Аталған факті бойынша полиция қылмыстық іс қозғап, тергеу амалдарын жүргізуде. SHYNDYK.KZ редакциясы тергеу барысын бақылап, құқық қорғау органдарынан ресми ақпарат күтеді.
