Қазақстан Үкіметі 2027 жылға арналған республикалық бюджеттің негізгі параметрлерін есептеу кезінде доллар бағамын 480 теңге деңгейінде белгіледі. Бұл туралы Ұлттық экономика вице-министрі Азамат Әмрин мәлімдеді.
Оның айтуынша, бюджетке енгізілген көрсеткіш валюта бағамының алдағы кезеңдегі болжамды динамикасы ескеріле отырып есептелген.
Қазіргі уақытта доллардың ресми бағамы бюджетте қарастырылған деңгейден төмен. Ұлттық банктің 17 қыркүйектегі ресми бағамы бойынша бір доллар 444,88 теңгені құрайды.
Осылайша, 2027 жылғы бюджетте есепке алынған көрсеткіш қазіргі ресми бағамнан шамамен 35 теңгеге жоғары.
2026 жылға арналған бюджетті есептеу кезінде бір доллардың бағамы 540 теңге деңгейінде алынған.
