АҚШ Орталық қолбасшылығының мәлімдеуінше, әуе шабуылына қарсы қорғаныс жүйелері, радиолокациялық қондырғылар, байланыс құралдары және Ислам революциясы сақшылары корпусының теңіз инфрақұрылымы нысанаға алынған.
Иран тарапы соққылардың бірі Сирик ауданындағы үйлену тойы өтіп жатқан тұрғын үйге тигенін мәлімдеді. Ирандық БАҚ мәліметінше, бес адам, оның ішінде төрт жасар бала қаза тапқан. Зардап шеккендер саны 50-ден 68 адамға дейін жетуі мүмкін.
Reuters оқиғаның мән-жайын тәуелсіз түрде растай алмады. АҚШ тарапы той өтіп жатқан үйге соққы жасалғаны туралы хабарға әзірге түсініктеме берген жоқ.
Бұған жауап ретінде Иран Иордания, Бахрейн, Кувейт және Ирактағы америкалық нысандарға шабуыл жасады. Иордания әскерилері 13 зымыранның онын ұстап қалғанын хабарлады. Бахрейн билігі Иранның ұшқышсыз аппараттары жойылғанын мәлімдеді.
Жаңа шиеленіс әлемдік нарықтарға да әсер етті. Brent маркалы мұнайдың бағасы барреліне 95,18 долларға дейін көтеріліп, соңғы бес аптадағы ең жоғары көрсеткішке жетті.
