Маңғыстау облысындағы қайғылы оқиғадан кейін ведомство алғашында 19 әскери қызметшінің суға кеткенін мәлімдеген. Кейін жарияланған деректерде 17 адамның аты аталды. Қолданушылар сандардағы айырмашылыққа назар аударып, тағы екі сарбаздың қайда екенін анықтауға тырысты.
Әңгіме мерзімді әскери қызметтегі матростар Ахметов А.А. мен Мағауия Ә.А. туралы болып отыр. Қорғаныс министрлігінің мәліметінше, оқиға кезінде екеуі де жағалауда оқу-жаттығу тапсырмаларын орындаған. Қазір олар әскери бөлімде және қызметін жалғастырып жатыр.
Олардың аты-жөні бұған дейінгі тізімде болғандықтан, әскери қызметшілер саны 19-дан 17-ге азайған кезде қоғамда сұрақ туындады. Әлеуметтік желі қолданушылары екі сарбаздың тірі болуы мүмкін екенін де жазған. Алайда бастапқыда бұл жөнінде ресми түсініктеме берілмеді.
