Экологиялық қозғалыс ауқымды акциялармен қатар қоғамдық бастамаларды қолдау арқылы да дамып келеді. Қазір мемлекеттік қолдаумен үкіметтік емес ұйымдардың 60-қа жуық әлеуметтік жобасы жүзеге асырылуда. Оның 34-і экология мәселелеріне арналған.
Алматы, Астана және Қарағанды қалаларында арнайы экохабтар жұмыс істейді. Олар табиғатты қорғау іс-шараларына қатысуға ниетті еріктілер мен тұрғындарды біріктіреді.
Сонымен қатар 2030 жылға дейінгі еріктілер қозғалысын дамыту тұжырымдамасы және экологиялық волонтерлікке арналған жеке бағдарлама әзірленіп жатыр.
Арман Қырықбаев халықты мемлекеттік қолдау шаралары туралы ақпараттандыру мәселесіне де тоқталды. Атап айтқанда, әлеуметтік көмек, медициналық қызметтер және білім беру саласындағы мүмкіндіктер туралы түсіндіру жұмыстары жүргізіледі.
