Құрылтай депутаттарын сайлау күні Астананың барлық қалалық автобус бағытында жол ақысы алынбайды.
Жолаушылар экспресс-маршруттар үшін де ақы төлемейді. Сонымен қатар бұл жеңілдік қала маңына қатынайтын бағыттарға да қатысты.
Бұл күні «LRT Tarlan Astana» желісімен қатынау да тегін болады.
Осылайша, 23 тамызда елордалықтар мен қала қонақтары қоғамдық көліктерде тәулік бойы ешқандай төлем жасамайды.
Мұндай шешім қала тұрғындарының еркін қозғалуына, әсіресе сайлау учаскелеріне еш кедергісіз барып келуіне қолайлы жағдай жасайды.
Қоғамдық көліктерде жолақы төлеу тәртібі сайлау аяқталғаннан кейін бұрынғы қалыпты арнасына оралады.
