Тергеу мәліметінше, күдікті 2022–2023 жылдары коммерциялық ұйымды басқарған. Мемлекетке төленетін салықты азайту үшін ол декларацияларда компанияның нақты кірісі туралы мәліметтерді жүйелі түрде бұрмалап көрсеткен. Соның салдарынан бюджетке 290 млн теңгеден астам қаржы түспеген.
Құқық қорғау органдары тексеру жүргізе бастағанда әйел бой тасалап, халықаралық іздеуге жарияланған.
Биыл қаңтарда күдікті Краснодар қаласында ұсталды. Осыдан кейін Бас прокуратура оны Қазақстанға экстрадициялауға қажетті құжаттарды жедел рәсімдеді.
Қазір күдікті тергеу изоляторына қамалды. Аса ірі мөлшерде салық төлеуден жалтарғаны үшін ол сегіз жылға дейін бас бостандығынан айырылуы мүмкін. Сондай-ақ белгілі бір лауазымдарды атқару немесе кәсіпкерлікпен айналысу құқығынан үш жылға дейін айыру жазасы қарастырылған.
