SHYNDYK.KZ редакциясына география және табиғатты пайдалану факультеті студентінің қазасына қатысты жаңа деректер түсуде. Алынған мәліметтерге сәйкес, жас жігіт демікпемен (астмамен) ауырған, сондай-ақ өлерінің алдында оны екінші курс студенті сабап кетуі мүмкін деген ақпарат тарады.
Алматы қалалық Полиция департаменті редакция сауалына берген жауабында күдіктінің ұсталғанын растады. Ведомствоның мәліметінше, Бостандық аудандық Полиция басқармасы аталған факті бойынша қылмыстық іс қозғаған.
«Тергеудің толықтығы, жан-жақтылығы және объективтілігі қағидаттарын қамтамасыз етуге бағытталған тергеу іс-шараларының кешені жүргізілуде», — деп мәлімдеді Алматы қаласы ПД баспасөз қызметі.
Еске сала кетейік, бұған дейін ҚазҰУ басшылығы бірінші курс студентінің қазасын ресми түрде растап, отбасына көңіл айтқан және қолдау көрсетуге дайын екенін мәлімдеген болатын. Қазіргі уақытта тергеу мүддесіне орай ресми органдар оқиғаның өзге де егжей-тегжейін жарияламай отыр.










