Астана–Қарағанды тасжолында патрульдік полиция қызметкерлері Shacman жүк көлігін тоқтатқан. Көлік тізгінінде 52 жастағы жүргізуші болған.
Салмақ бақылауынан өту кезінде ер адам көліктің мемлекеттік нөмірін жасыруға әрекет жасаған. Полиция қызметкерлері заңбұзушылықты тіркеді.
Сот шешімімен жүргізуші әкімшілік қамауға алынып, бір жыл мерзімге көлік құралын басқару құқығынан айырылды.
Полицияның мәліметінше, мемлекеттік нөмірді жасыру немесе өзгерту арқылы бақылаудан жалтару мүмкін емес. Мұндай заңбұзушылықтарды полиция қызметкерлері де, арнайы техникалық құралдар да тіркейді.
