Селин Дион алты жылдан астам үзілістен кейін толыққанды концерттік бағдарламамен сахнаға оралды. 12 қыркүйекте Париждегі Plénitude аренасында өткен концертке 30 мыңға жуық көрермен жиналды.
Концерт екі сағат он бес минутқа созылды. Осы уақыт ішінде әнші My Heart Will Go On, Because You Loved Me және All By Myself туындыларын қоса алғанда, 25 ән орындады. Көрермендер оны орындарынан тұрып, ұзақ қол соғумен қарсы алды. Ал Дион концерт барысында бірнеше рет көз жасын тыя алмады.
Әншінің сахнадан ұзақ уақыт қол үзуіне денсаулығы себеп болған. 2022 жылы Дион өзіне бұлшықеттің сіресу синдромы диагнозы қойылғанын хабарлады. Бұл ауру дененің сіресуі мен ауырсындыратын бұлшықет түйілуін тудырады. Дерт әншінің дауысымен жұмыс істеуіне де кедергі келтіргендіктен, ол концерттерін тоқтатып, емделуге мәжбүр болды.
Париждегі кеш жоспарланған 16 концерттен тұратын серияның алғашқысы болды. Бұл 58 жастағы әншінің мәжбүрлі үзілістен кейін үлкен сахнаға қайта оралуындағы жаңа кезең саналады.
