Мемлекет басшысы жаңа төрағаға ұлттық қауіпсіздік органдарының жұмысына жаңа тәсілдер әзірлеуді және олардың қызметінің тиімділігін барынша арттыруды тапсырды. Президент барлық жұмыс бағыттарында «Заң және Тәртіп» қағидатын қатаң сақтауға ерекше назар аударды.
Жаңарған ведомствоның алдына қойылған басты басымдықтар қатарында:
экономика саласындағы Қазақстанның ұлттық мүдделерін қорғау;
жемқорлыққа және басқа да заң бұзушылықтарға қарсы қатаң іс-қимыл;
ҰҚК-нің кадр саясатын түбегейлі жетілдіру;
әлеуметтік-экономикалық тұрақтылыққа төнетін қауіп-қатерлердің уақтылы алдын алу;
мемлекеттік бағдарламаларды іске асыру кезіндегі сыбайлас жемқорлық тәуекелдерінің жүйелі профилактикасы.










