Бұл ретте әуежайдың кірісі айтарлықтай өсті. Жылдық түсім шамамен 29%-ға — 52,18 млрд теңгеден 67,16 млрд теңгеге дейін артты. Көрсетілген қызметтердің өзіндік құны да 45,77 млрд теңгеден 59,86 млрд теңгеге дейін көтерілген.
Қорытынды қаржылық нәтижеге өзге шығыстардың күрт өсуі негізгі әсер етті. Бір жыл ішінде олардың көлемі тоғыз еседен астам көбейіп, 1,41 млрд теңгеден 12,96 млрд теңгеге жетті.
Ең ірі шығыс бабы негізгі құралдардың құнсыздануына байланысты болды. Оған 10,49 млрд теңге жұмсалған. Ал 2024 жылы бұл көрсеткіш небәрі 9,3 млн теңгені құраған еді.
Әкімшілік шығыстар, талаптар бойынша резервтер және дебиторлық берешекке қатысты күтілетін кредиттік шығындар да кәсіпорынға қосымша қаржылық салмақ түсірді.
Теріс қаржылық нәтижеге қарамастан, елорда әуежайы 2025 жылы 9,4 млн жолаушыға қызмет көрсетті.
