Шығыс Қазақстан облысының ТЖМ қызметкерлері Бұқтырма су қоймасында демалып жүріп, суға түсіп кеткен екі Ресей азаматын құтқарды.
Акваторияны патрульдеу кезінде құтқарушылар қатты желдің салдарынан аударылып қалған сапбордты байқаған. Суда 1988 жылы туған ер адам мен 2014 жылы туған бала болған.
Құтқарушылар демалушыларды қызметтік катерге жедел көтеріп алып, жағалауға аман-есен жеткізді. Оларға медициналық көмек қажет болмады.
