Жер сілкінісі Астана уақытымен сағат 23:08-де тіркелген. Жер сілкінісінің ошағы Қазақстан аумағында, Алматыдан солтүстік-шығысқа қарай 875 шақырым жерде орналасқан. Эпицентрдің координаттары — 49,167° солтүстік ендік және 84,417° шығыс бойлық.
Дүмпулерден кейін «Қазселденқорғау» мамандары өзен арналары мен гидротехникалық нысандарды, сондай-ақ көшкін және сел қаупі бар аумақтарды тексерді. Тіршілікті қамтамасыз ету нысандары да бақылаудан өтті.
Тексеру нәтижесінде нысандардан зақымдану немесе қирау белгілері анықталған жоқ. Зардап шеккендер туралы ақпарат түскен жоқ. Жағдай тұрақты.
